الرئيسية / الثقافة والفنون / ثقافة وأدب / شعر / الشاعرة علياء هيكل تكتب: أهل المحبة..!

الشاعرة علياء هيكل تكتب: أهل المحبة..!

= 831


الحب لسه.. فى الوجود موجود
لسه بيهدى.. كل الأحبه وعود
وبيفرش الأحلام ..بساط ممدود
يعدى عليه أهل المحبه.. وفود
ويرش في طريقهم أحلى نجوم وورود
ويهنى كل حبيب بحبيه
لما يعود..
ويضحك فى وش المغرمين
ويقول.. موعود ..!
وينادى.. فى اللى يمر
… الرجوع مرفوض
ولو لاقيتو الطريق مسدود
اصرخ وقول الحب فى القلوب موجود
هد السدود ..عدي
ده العمر يا دوب على الإيدين معدود..
عيش الحب دايماً كما طفل جديد مولود
ده الحب بين القلوب ذى الوتر مشدود..
يرن بيه الأمل ويرجع المفقود
خطي الحدود خطي
ولا يهمك حدود
عدى..على انهار الحب عدي
واشرب..من حلوها المورود
ياما على شطها سكرت اسود.. واسود
طير..فى السما وخلى الجناح مفرود
حلق..كمان.. وكمان بجناحك الممدود
واوصل لأخر حلمك المنشود..
تلقى فى طريقك..
أخره …
حبيبك الموعود..!

شاهد أيضاً

العدد الجديد من “شاعر المليون”…رصد لحركة القصيدة العربية وإضاءة على تجارب شعرية كبيرة

عدد المشاهدات = 6117  أبوظبي – آماد الثقافية صدر عن أكاديمية الشعر في لجنة إدارة …

اترك رد

%d مدونون معجبون بهذه: